星期三真係黑蚊蚊，上午無得食，夜晚無得睇！

話說家姐坐早船帶來我愛吃的大大粒補眼藍莓乾，點知俾碼頭隻傻B稿聞到佢個袋有美食，一屁股坐低對住家姐傻笑，搖晒尾，好似等佢打賞一樣，激死！個關員又識寶喎，是他不那牛油香撲鼻 pastry 唔要，一野收左包大大粒藍莓乾！

包藍莓乾都算夠面子，佢好似都有D唔好意思，就算打開左份經濟日報都無順手收埋！

隻 Beagle 身價十萬，大才小用得緊要，次次都係聞蛋糕麵包，怕且都唔記得毒品乜味咯。

算啦，點知夜晚寫 blog 個陣，入極都入唔到個鮮奶部落，心知不妙，唯有望係網絡塞車啦，發夢都想住第朝或者有希望，點知係錯既！

好在有貴人： 金婆婆有電腦天才朋友搵到個大姑 loan 番黎解困，但無得留言，亦無得睇相，不過都好心足咯！ 踏著貓腳步的靚靚才女阿丁幫我發表狗文，又整左個 CBox，恢復我同網友既交流，所以我又可以向留言網友作出回應喇。 不過，以後我就只可以留言入sidebar 既 haha~靈靈漆隔離~hehe。